ABŞ Prezidenti Donald Tramp Hörmüz boğazını açmaq üçün İrana 48 saatlıq ultimatum verib. Ultimatum Bakı vaxtı ilə 24 mart 2026-cı il səhər saat 4-də başa çatır. Prezident Tramp göstərilən vaxtadək şərt yerinə yetirilməzsə, ABŞ-ın İranın elektrik stansiyalarına hücum edəcəyini bildirib.
İran ultimatumu rədd edib və onun elektrik stansiyalarına hücum olarsa, cavab olaraq körfəz ölkələrinin elektrik stansiyalarına və dəniz suyunu duzsuzlaşdırma zavodlarına hücum edəcəyini bildirib. Bu halda körfəz ölkələrinin müharibəyə qatılacaqları şübhə doğurmur.
Eyni zamanda, ABŞ-ın İranın əsas neft ixracı terminalının yerləşdiyi Xarq adasını tutmaq üçün hazırlıqlarını başa çatdırmaq üzrə olduğu bildirilir.
Bir neçə saat əvvəl isə ABŞ İranı çox şiddətlə bombardmana başlayıb. Bu hücumun ultimatumla əlaqəsi olub-olmaması aydın deyil.
Belə görünür ki, yaxın 24 saat ərzində hansısa anlaşma əldə olunmasa, regionda kəskin eskalasiya başlayacaq.
© 2026 The Daily Baku. Bütün hüquqlar qorunur.