Kruiz gəmisindəki şəxslərlə bağlı səhiyyə tədbirləri gücləndirilib

Ölümcül hantavirus infeksiyası yayılmış "MV Hondius" kruiz gəmisinin bütün sərnişinlərinə profilaktik məqsədlərlə yüksək riskli təmasda olan şəxslər kimi baxılır.

"The Daily Baku" xəbər verir ki, bu barədə Avropa Xəstəliklərin Qarşısının Alınması və Nəzarəti Mərkəzinin (ECDC) gəminin İspaniyanın Tenerife adasında lövbər salması ərəfəsində dərc edilmiş operativ tövsiyələrində deyilir.

Məlumata görə, xəstəlik əlamətləri olmayan sərnişinlər xüsusi təşkil edilmiş nəqliyyatla öz ölkələrinə qaytarılmalı və ardınca özünü təcrid etməlidirlər. Eyni zamanda, adi kommersiya aviareyslərindən istifadə nəzərdə tutulmur.

Gözlənilir ki, ölkələr Qrinviç vaxtı ilə təxminən 06:30–07:00-da vətəndaşlarının "MV Hondius" gəmisindən təxliyəsinə başlayacaqlar.