Tehran Hörmüzlə bağlı planlarını regionla koordinasiya edəcək

Tehran Hörmüz boğazı ətrafındakı vəziyyətlə bağlı gələcək hərəkətlərini qonşu və sahil dövlətləri ilə əlaqələndirməyi planlaşdırır.

"The Daily Baku"nun məlumatına görə, bunu "Al Jazeera" televiziya kanalı İran Xarici İşlər Nazirliyinin nümayəndəsinə istinadən bildirib.

Onun sözlərinə görə, İran tərəfi Hörmüz boğazının təhlükəsizliyi ilə bağlı məsələlər üzrə regional dövlətlərlə əlaqələndirilmiş məsləhətləşmələr aparmaq niyyətindədir.

Rəsmi şəxs həmçinin qeyd edib ki, Tehran İrana qarşı yeni hücumların qarşısının alınmasına yönəlmiş konkret tədbirlər üzrə Omanla əməkdaşlıq etməyi gözləyir.

O, İran hakimiyyətinin hazırda ABŞ ilə müharibəni bitirməyə diqqət yetirdiyini vurğulayıb.