Vens: ABŞ-ın Azərbaycan və Ermənistanla uğurlu əməkdaşlığı davam edəcək

Həm Ermənistan Baş naziri Nikol Paşinyan, həm də Azərbaycan Prezidenti İlham Əliyevlə çox yaxşı münasibətlərimiz var.

"The Daily Baku" “Armenpress”ə istinadən xəbər verir ki, bu barədə ABŞ-ın vitse-prezidenti Cey Di Vens Bakıya səfərindən əvvəl İrəvan aeroportunda jurnalistlərə açıqlamasında bildirib.

“Dünən Baş nazirin çıxışını eşitdim. Bir neçə ay əvvəlki vəziyyətlə müqayisədə indiki vəziyyətimizi nəzərə alsaq, o, sülh müqaviləsi ilə bağlı nikbindir”, - Vens qeyd edib.

O əlavə edib ki, ABŞ-ın Azərbaycan və Ermənistanla uğurlu əməkdaşlığı davam edəcək.

Qeyd edək ki, Vens Ermənistandan Azərbaycana səfərə yola düşüb.