Bəhreyn təhlükəsizlik səbəbilə səfər qadağası elan edib

Bəhreyn hökuməti ölkə vətəndaşlarına İran və İraqa getməyi qadağan edib.

"The Daily Baku" "Al-Jazeera"ya istinadən xəbər verir ki, bu barədə Bəhreynin Daxili İşlər Nazirliyi məlumat yayıb.

Qeyd olunub ki, qadağa regionda davam edən gərginlik və təhlükəsizlik məsələlərindəki cari vəziyyətlə bağlıdır.

Daha əvvəl bildirilirib ki, İran İsrailin Livana davam edən zərbələrinə etiraz əlaməti olaraq danışıqlar prosesi çərçivəsində ABŞ ilə məlumat mübadiləsini dayandırır. İran ordusunun nümayəndələri həmçinin hədələrlə çıxış ediblər. Bildirilib ki, əgər İsrail Livanın cənubunda "Hizbullah" qruplaşmasına qarşı hərbi əməliyyatları dayandırmasa, onun şimal hissəsinə zərbə endirəcək.

Öz növbəsində, ABŞ Prezidenti Donald Tramp bildirib ki, İran tərəfi ilə danışıqlar davam edir. O, həmçinin İsrailin Baş naziri Benyamin Netanyahu ilə danışıqlar aparıb və onu Beyrutda irimiqyaslı əməliyyat həyata keçirməməyə çağırıb. ABŞ liderinin iddiasına görə, bundan sonra İsrail qoşunları geri çəkilib.

Vəziyyət hələ də qeyri-müəyyən olaraq qalır, çünki tərəflərin hər biri ziddiyyətli bəyanatlar verir.