Qafqazda ilk ürək transplantasiyası keçirilmiş pasiyent: Əməliyyatdan sonra da normal həyatıma davam edirəm

Azərbaycanda orqan donorluğunun təşviqi məqsədilə Qafqazda ilk ürək transplantasiyası keçirilmiş pasiyent ictimaiyyətə çağırış edib.

“The Daily Baku” xəbər verir ki, ürək transplantasiyası əməliyyatı icra olunan Rəşad Məmmədəliyev bu çağırışı “Qafqazda ilk ürək transplantasiyası: Azərbaycan səhiyyəsinin tarixi nailiyyəti və gələcək perspektivlər” mövzusunda təşkil olunan dəyirmi masa zamanı səsləndirib.

Çıxışı zamanı o, əməliyyatdan sonrakı sağlamlıq vəziyyətinin yaxşı olduğunu bildirib. Pasiyentin sözlərinə görə, transplantasiyadan sonra normal həyat tərzinə qayıdıb və gündəlik fəaliyyətini davam etdirir.

“Əməliyyatdan sonra da normal həyatıma davam edirəm. Hər şey yaxşıdır. Ümid edirəm bütün xəstələr tezliklə şəfa tapar”, – deyə Rəşad Məmmədəliyev qeyd edib.