Ağ Ev iyul ayında mühüm ABŞ–İraq danışıqlarına ev sahibliyi edəcək

ABŞ Prezidenti Donald Tramp ikitərəfli münasibətlərin perspektivlərini müzakirə etmək üçün iyulun ortalarında Ağ Evdə İraqın Baş naziri Əli əz-Zaidi ilə görüşəcək.

"The Daily Baku" xəbər verir ki, bu barədə əz-Zaidinin ABŞ Prezidentinin İraq üzrə xüsusi elçisi Tom Barrakla görüşünün yekunları üzrə birgə bəyanatda deyilir.

"Prezident Tramp bu mühüm münasibətlərin gələcəyini müzakirə etmək üçün iyulun ortalarında Ağ Evdə Baş nazir əz-Zaidi ilə görüşü səbirsizliklə gözləyir", - məlumatda qeyd olunub.

Tərəflər İraqın suveren, təhlükəsiz və firavan gələcəyinin təmin edilməsinə yönəlmiş möhkəm və qarşılıqlı faydalı tərəfdaşlığın inkişafına sadiqliklərini təsdiq ediblər.