Ukrayna tərəfi enerji infrastrukturuna qarşı əməliyyat barədə məlumat yayıb

Ukrayna Prezidenti Vladimir Zelenski Rusiyanın Moskva vilayəti ərazisindəki neft emalı zavoduna zərbə endirildiyini təsdiqləyib.

"The Daily Baku"nun məlumatına görə, o bu barədə "X" sosial şəbəkəsində yazıb.

Zelenskinin sözlərinə görə, obyekt təxminən 500 kilometr məsafədən Ukraynanın uzaqmənzilli vasitələri ilə vurulub.

"Bu dəfə Moskva vilayəti Ukraynanın uzaqmənzilli vasitələrinin bütün gücünü öz üzərində hiss etdi. 500 kilometr məsafədə neft emalı zavodu vurulub", - Ukrayna Prezidenti bəyan edib.

Zelenski vurğulayıb ki, zərbələr Rusiyanın hərəkətlərinə cavabdır və müharibənin dayandırılması üçün təzyiq siyasətinin bir hissəsidir.

"Rusiyanı xalqımıza qarşı müharibəni dayandırmağa məcbur etmək lazımdır. Ukraynanın uzaqmənzilli silahı belə təzyiqin mühüm komponentlərindən biridir", - o qeyd edib.