Husilər İsrailin cənubunda hərbi hədəfləri vurduğunu açıqladı

Yəmən üsyançıları (husilər) İsrailə raket zərbəsi endiriblər.

"The Daily Baku" xəbər verir ki, bu barədə "Al-Jazeera" husilərin bəyanatına istinadən məlumat yayıb.

Qeyd olunub ki, qruplaşma İran və "Hizbullah"la birgə həyata keçirilən əməliyyat çərçivəsində İsrailin cənubundakı mühüm hədəflərə ballistik raketlər atıb.

Yəmən qruplaşmasının bəyanatında deyilir ki, İsrailin Yaxın Şərqdəki addımları gərginliyin daha da artmasına səbəb olur.